மக்களவை தேர்தல் தேதி இன்று மாலை அறிவிப்பு?

பெரும் எதிர்பார்ப்புகளுக்கு மத்தியில், மக்களவை தேர்தல் தேதி இன்று மாலை அறிவிக்கப்படும் என தகவல் வெளியாகியுள்ளது.

டெல்லியில் இன்று மாலை 5 மணிக்கு தேர்தல் ஆணைய அதிகாரிகளின் செய்தியாளர்கள் சந்திப்பு நடைபெற உள்ளதாக தலைமை தேர்தல் ஆணையம் அதிகாரப்பூர்வமாக அறிவித்துள்ளது. அதில், தேர்தல் தேதி குறித்த அறிவிப்பு வெளியாகும் என்று தெரிகிறது.

நாடு முழுவதும் 7 அல்லது 8 கட்டங்களாக தேர்தல் நடத்தப்படலாம் எனவும் மக்களவைத் தேர்தல் தேதியுடன், தமிழகத்தின் 21 தொகுதி இடைத்தேர்தல் தேதியும் அறிவிக்கப்படலாம் என்றும் தகவல் வெளியாகியுள்ளது. மக்களவை தேர்தலுடன், ஒடிசா, சிக்கிம் போன்ற மாநிலங்களின் சட்டப்பேரவை தேர்தல் தேதியும் அறிவிக்கப்பட வாய்ப்புள்ளதாக கூறப்படுகிறது.