சிறுத்தை தாக்கியதில் மேய்ச்சலுக்கு சென்ற மாடுகள் பலி

கொடைக்கானலில் சிறுத்தை தாக்கியதில் 5 மாடுகள் பலியான சம்பவம் அப்பகுதி மக்களிடையே அச்சத்தை ஏற்படுத்தியுள்ளது.

திண்டுக்கல் மாவட்டம் கொடைக்கானல் மேல் மலை கிராமமான கூக்கால் பகுதியை சேர்ந்த விவசாயிகளான மஹேந்திரன், பிலவேந்திரன் , வேலுசாமி , உலக நாதன் ஆகியோரது 5 மாடுகள் கூக்கால் வன பகுதியில் மேச்சலுக்கு விடப்பட்டிருந்தது. மாடுகள் வீடு திரும்பாததையடுத்து வனப்பகுதிக்குள் சென்று விவசாயிகள் பார்வையிட்டபோது, 5 மாடுகளும் சிறுத்தை தாக்கி இறந்து கிடப்பது தெரிய வந்தது.

விவசாயிகள் அளித்த தகவலின்பேரில் வனத்துறையினர் சம்பவ இடத்திற்கு சென்று பார்வை இட்டு விசாரணை நடத்தினர். சிறுத்தை நடமாட்டம் அதிகமுள்ளதால் குடியிருப்பு பகுதிகளை ஒட்டியுள்ள வனப்பகுதிகளில் மின் வேலி அமைக்க வேண்டும் என்றும் அப்பகுதி மக்களின் கோரிக்கை வைக்கின்றனர்.