கும்பகோணம் பள்ளி தீ விபத்தில் உயிரிழந்த குழந்தைகளின் 15 ஆம் ஆண்டு நினைவு தினம் இன்று அனுசரிக்கப்படுகிறது.
2004 ஆம் ஆண்டு, கும்பகோணம் பள்ளியில் ஏற்பட்ட தீ விபத்தில் 94 குழந்தைகள் கருகி உயிரிழந்தனர். நாட்டையே அதிர்ச்சிக்குள்ளாக்கிய இந்த சம்பவம் நடைபெற்றதன் 15 ஆம் ஆண்டு நினைவு தினம் இன்று அனுசரிக்கப்படுகிறது. தீ விபத்து நடைபெற்ற பள்ளியின் முன்பு, உயிரிழந்த குழந்தைகளின் உருவப்படங்கள் மலர்களால் அலங்கரித்து வைக்கப்பட்டுள்ளது. பாதிக்கப்பட்ட பெற்றோர்கள் மற்றும் பொதுமக்கள் அஞ்சலி செலுத்தி வருகின்றனர். தின்பண்டங்கள், பழங்கள் போன்றவை வைக்கப்பட்டு அஞ்சலி செலுத்தப்படுகிறது. பள்ளி மாணவர்கள் தீ விபத்தில் இறந்த பள்ளி குழந்தைகளுக்கு அஞ்சலி செலுத்தினர். கும்பகோணம் பள்ளி தீ விபத்து நடைபெற்ற தினத்தை குழந்தைகள் பாதுகாப்பு தினமாக அறிவிக்க வேண்டும் என பாதிக்கப்பட்ட பெற்றோர்கள் அரசுக்கு கோரிக்கை வைத்துள்ளனர்.
Discussion about this post