காப்பான் படம் துபாயில் செப்டம்பர் 20ம் தேதி வெளியாகி முதல் நாளிலே 2.2கோடி வசூலித்து சாதனை படைத்துள்ளது.
கே.வி.ஆனந்த் இயக்கத்தில் சூர்யா, சாயிஷா, ஆர்யா, மோகன் லால், சமுத்திரக்கனி என நட்சத்திர பட்டாளங்கள் இணைந்து நடித்த ‘காப்பான்’திரைப்படம் உலகம் முழுவதும் செப்டம்பர் 20ம் தேதி வெளியானது.இந்த படத்திற்கு ஹாரிஸ் ஜெயராஜ் இசையமைத்துள்ளார்.சமீப காலமாக தமிழ் திரைப்படங்கள் வெளிநாடுகளில் வெளியாகி வசூல் சாதனை படைத்து வருகிறது.அந்த வரிசையில் காப்பான் திரைப்படம் துபாயில் வெளியாகி முதல் நாளிலே 2.2கோடி வசூலித்து சாதனைப் படைத்துள்ளது.இதன் மூலம் முதல் நாளில் அதிக வசூலித்த தமிழ் படம் என்ற சாதனையை காப்பான் திரைப்படம் படைத்துள்ளது.இதற்கு முன்பு ரஜினி நடிப்பில் வெளிவந்த பேட்ட திரைப்படம் 2.1 கோடி ரூபாய் வசூலித்து முதல் இடத்தில் இருந்தது குறிப்பிடத்தக்கது.