திருமாவளவனுக்கு அரசியலில் அடையாளம் கொடுத்ததே தான்தான் என கடலூர் மாவட்டம் சிதம்பரத்தில் நடைபெற்ற நடைபெற்ற தேர்தல் பிரசார கூட்டத்தில் பேசிய பாமக நிறுவனர் டாக்டர் ராமதாஸ் தெரிவித்துள்ளார். சிதம்பரம் மக்களவை தொகுதியின் அதிமுக வேட்பாளர் சந்திரசேகரை ஆதரித்து சிதம்பரத்தில் நடைபெற்ற தேர்தல் பிரசார பொதுக்கூட்டத்தில் பாமக நிறுவனர் ராமதாஸ் பங்கேற்றார். கூட்டத்தில் வேட்பாளருக்கு ஆதரவாக வாக்குகள் சேகரித்து பேசிய ராமதாஸ், சிதம்பரத்தில் எதிரணியில் போட்டியிடும் திருமாவளவனுக்கு அரசியலில் அடையாளத்தை கொடுத்ததே தான்தான் என தெரிவித்தார்.
சமீப ஆண்டுகளாக அவரது பேச்சுக்கள் மக்களுக்கு எதிராகவும் சமூக ஒற்றுமையை குலைக்கும் வகையிலும் உள்ளதாக தெரிவித்த ராமதாஸ், அதனால் விசிக கொடியை பார்த்தாலே மக்கள் முகம் சுளிப்பதாகவும் தெரிவித்தார். அவர் தமிழ் சமுதாயத்திற்கு பயன்படுவார் என தான் எண்ணியதாகவும், அவரை ஒரு தலைவராக ஆக்கியது தன்னுடைய தவறு என்றும் அவர் மேலும் கூறினார்.
Discussion about this post