தமிழகம் முழுவதும் இறுதி வாக்காளர் பட்டியல் வெளியீடு

தமிழகத்தில் இறுதி வாக்காளர் பட்டியல் வெளியிடப்பட்ட நிலையில், மொத்த வாக்காளர்களின் எண்ணிக்கை 5 கோடியே 91 லட்சமாக உள்ளது.

தமிழகம் முழுவதும் உள்ள வாக்காளர்களின் இறுதிப் பட்டியலை, தலைமை தேர்தல் அதிகாரி சத்யபிரத சாஹூ வெளியிட்டார். அதன்படி, தமிழகத்தில் ஆண் வாக்காளர்களின் எண்ணிக்கை 2 கோடியே 92 லட்சத்து 56 ஆயிரத்து 960 ஆகவும், பெண் வாக்காளர்களின் எண்ணிக்கை 2 கோடியே 98 லட்சத்து 60 ஆயிரத்து 765 ஆகவும் உள்ளது. மூன்றாம் பாலினத்தவர் எண்ணிக்கை 5 ஆயிரத்து 472 ஆகவும் உள்ளது. தமிழகத்தில் மொத்த வாக்காளர்கள் எண்ணிக்கை 5 கோடியே 91 லட்சத்து 23 ஆயிரத்து 197 ஆக உள்ளது. 6 லட்சத்து 18 ஆயிரத்து 695 வாக்காளர்களை கொண்ட சோழிங்கநல்லூர் தொகுதி தமிழகத்திலேயே அதிக வாக்காளர்கள் கொண்ட தொகுதியாகவும், 1 லட்சத்து 66 ஆயிரத்து 515 வாக்காளர்கள் கொண்ட சென்னை துறைமுகம் தொகுதி குறைவான வாக்காளர்கள் கொண்ட தொகுதியாகவும் உள்ளது.