நாடாளுமன்ற தேர்தலில் "பொய் மானை" காட்டி திமுக வென்றது: அமைச்சர் செல்லூர் ராஜூ

நாடாளுமன்ற தேர்தலில் “பொன் மான்” என்கிற “பொய் மானை” காட்டி திமுக வெற்றி பெற்றதாக கூட்டுறவுத்துறை அமைச்சர் செல்லூர் ராஜூ தெரிவித்தார்.

மதுரையில் சமூக நலத்துறை சார்பில் ஏழை பெண்களுக்கான தாலிக்கு தங்கம் வழங்கும் நிகழ்ச்சியில், அமைச்சர் செல்லூர் ராஜூ கலந்து கொண்டு, 2 ஆயிரத்து 254 பெண்களுக்கு திருமண நிதியுதவியுடன் தலா 8 கிராம் எடையுள்ள தாலிக்கு தங்கம் வழங்கினார். பின்னர் செய்தியாளர்களிடம் பேசிய அவர், உள்ளாட்சித் தேர்தலை சந்திக்க அதிமுக தயாராக உள்ளதாக கூறினார். முதல்வரின் செயல்பாடுகள் மற்றும் நலத் திட்டங்களால் அதிமுக 2 தொகுதிகளில் வெற்றி பெற்றதாக அமைச்சர் செல்லூர் ராஜூ தெரிவித்தார்.