மும்பையில் டெண்டுல்கர் மிடில்செக்ஸ் குளோபல் அகாடமி மையத்தை தொடங்கி தன்னை முன் உதாரணமாக காட்டி இளைஞர்களுக்கு இந்திய கிரிக்கெட் ஜாம்பவான் சச்சின் அறிவுரை அளித்துள்ளார்.
இந்திய கிரிக்கெட் அணியின் ஜாம்பவான் சச்சின். சர்வதேச கிரிக்கெட்டில் சதத்தில் சதம் உள்ளிட்ட எண்ணற்ற சாதனைகள் படைத்து மிரட்டியுள்ளார். மும்பையில் ‘டெண்டுல்கர் மிடில்செக்ஸ் குளோபல் அகாடமி மையத்தை’ நீரலில் சச்சின் இங்கிலாந்து முன்னாள் கேப்டன் மைக் காட்டிங் மற்றும் மும்பை கிரிக்கெட் சங்க தலைவர் விஜய் படேலுடன் துவங்கி வைத்தனர்.
நிகழ்ச்சிக்கு பின் பேசிய சச்சின் என் வாழ்வில் நான் பல விஷயங்களை கற்றுக்கொண்டுள்ளேன். ஆனால் சில விஷயங்களை குறிப்பிட தவறியுள்ளேன். நான் சில நேரங்களில் தோல்வியை கூட சந்தித்துள்ளேன். வாழ்க்கையின் பயணத்தில் கடினமான சவால்கள் வந்து கொண்டே தான் இருக்கும். அதற்காக குறுக்கு வழியையோ அல்லது ஏமாற்றும் செயல்களை தேர்வு செய்யக்கூடாது.
இளைஞர்கள் படிப்பு மற்றும் விளையாட்டில் சரியான சமநிலையை பின்பற்ற வேண்டும் என்பது தான் என்னுடைய கருத்து என்று சச்சின் அறிவுரை அளித்துள்ளார்.