பாலில் விஷம் வைத்து குழந்தையை கொலை செய்த வழக்கு: கணவன் -மனைவிக்கு ஆயுள் தண்டனை

கிருஷ்ணகிரி அருகே பிறந்து 30 நாட்களே ஆன ஆண் குழந்தை, விஷம் கொடுத்து கொல்லப்பட்ட வழக்கில் கணவன் மனைவிக்கு ஆயுள் தண்டனை வழங்கப்பட்டுள்ளது.

கிருஷ்ணகிரி மாவட்டம் பண்ணல்லிபுதூர் கிராமத்தை சேர்ந்த அர்ஜுனன் மனைவி கஸ்தூரி. இரண்டாவது முறையாக கருத்தரித்து ஆண் குழந்தையை பெற்றெடுத்தார். ஆனால் அந்த ஆண்குழந்தை தகாதமுறையில் பிறந்ததாக கூறப்படுகிறது. இதையடுத்து மனைவியை ஏற்க மறுத்த அர்ஜுனன், குழந்தையை கொன்று விட்டு வந்தால் ஏற்றுக்கொள்வதாக கூறியுள்ளார். இதனையடுத்து இருவரும் பிறந்து 30 நாட்களே ஆண் குழந்தையை கொன்று வீட்டின் பின்புறம் புதைத்துள்ளனர். இவ்வழக்கில் கிருஷ்ணகிரி மாவட்ட கூடுதல் அமர்வு நீதிமன்றம் அர்ஜுனன் மற்றும் அவரது மனைவி கஸ்தூரி ஆகிய இருவருக்கும் ஆயுள் தண்டனை விதித்து தீர்ப்பு வழங்கியுள்ளது.