சென்னையின் பல்வேறு பகுதிகளில் கனமழை

சென்னை உள்ளிட்ட பல்வேறு பகுதிகளில் கனமழை பெய்து வருவதால் பொதுமக்கள் மகிழ்ச்சி அடைந்துள்ளனர்.

வெப்பசலனம் காரணமாக அடுத்த 48 மணி நேரத்தில் மழை பெய்ய வாய்ப்புள்ளதாக சென்னை மண்டல வானிலை ஆய்வு மையம் தெரிவித்திருந்தது. இந்த நிலையில் சென்னையின் பல்வேறு பகுதிகளில் சுமார் ஒருமணி நேரமாக மழை பெய்தது. சென்னை வடபழனி, சைதாப்பேட்டை, அடையாறு, பெசண்ட் நகர், தாம்பரம் உள்ளிட்ட இடங்களில் மழை பெய்தது. நேற்று முன்தினம் லேசாக பெய்த மழையால் குளிர்ச்சியான சூழல் நிலவிய நிலையில், மீண்டும் வெயில் வாட்டி வந்தது. இந்த நிலையில் மாலையில் பெய்த மழை சென்னை மக்களை நிம்மதியடைய வைத்துள்ளது. மக்களின் தொடர் வழிபாட்டிற்கு பலன் கிடைத்துள்ளதாக மக்கள் மகிழ்ச்சி அடைந்துள்ளனர்.