கடையநல்லூர் அருகே பலத்த சூறை காற்றுடன் பெய்த கனமழை

நெல்லை மாவட்டம் கடையநல்லூர் அருகே பலத்த சூறை காற்றுடன் கனமழை பெய்தது.

நெல்லை மாவட்டம் கடையநல்லூரை சுற்றியுள்ள பகுதியில் கடுமையான வெயிலின் தாக்கத்தால் பொதுமக்கள் பெரிதும் அவதிப்பட்டு வந்தனர். இந்த நிலையில் கடையநல்லூர் சுற்றுவட்டார பகுதிகளில் பலத்த காற்றுடன் கனமழை பெய்தது. இடி மின்னலுடன் பெய்த கனமழையால் வீரசிகாமணி மின் நிலையம் அருகில் ஒரு மின் கம்பம் சரிந்து விழுந்தது. சாலையின் நடுவே விழுந்த மின் கம்பத்தால், போக்குவரத்து பாதிக்கப்பட்டது. பாதுகாப்பு கருதி மின் இணைப்பு துண்டிக்கப்பட்டதால் மிகப்பெரிய உயிரிழப்பு தவிர்க்கப்பட்டது .