திருவண்ணாமலை, மங்கலம் சுற்றுவட்டார பகுதியில் பலத்த காற்றுடன் கனமழை

பலத்த காற்றுடன் பெய்த கனமழையால் வெப்பம் தணிந்து குளிர்ந்த நிலையில் பொதுமக்கள் மகிழ்ச்சியடைந்துள்ளனர்.

திருவண்ணாமலை மாவட்டம் மங்கலம் சுற்றுவட்டார பகுதியில் பலத்த காற்றுடன் மழை பெய்தது. இந்த பலத்த காற்றால் மங்கலம் சாலையில் புளியமரங்கள் சாய்ந்தது. இதனால் அரை மணி நேரம் போக்குவரத்து பாதிக்கப்பட்டது. அக்னி நட்சத்திரம் தொடங்கிய நிலையில் மழை பெய்ததால், வெப்பம் குறைந்து அப்பகுதியில் குளிர்ச்சியை ஏற்படுத்தியுள்ளது. மேலும் பல மாதங்களாக வெப்பம் அதிகரித்து வந்த நிலையில், தற்போது பெய்த மழையினால் விவசாயிகள், பொதுமக்கள் மகிழ்ச்சியடைந்துள்ளனர்.