தமிழகத்தின் வடக்கு உள் மாவட்டங்களில் இடி மின்னல் மற்றும் பலத்த காற்றுடன் கூடிய கனமழைக்கு வாய்ப்புள்ளதாக சென்னை வானிலை மையம் தெரிவித்துள்ளது.
வெப்பச் சலனம் காரணமாக தமிழகத்தில் ஓரிரு இடங்களில் இடியுடன் கூடிய மிதமான மழை பெய்ய வாய்ப்பு உள்ளதாக கூறப்பட்டுள்ளது. தருமபுரி, வேலூர், கிருஷ்ணகிரி, சேலம், ஈரோடு, நாமக்கல் போன்ற வடக்கு உள் தமிழக மாவட்டத்தில் ஓரிரு இடங்களில் இடி மின்னல் மற்றும் பலத்த காற்றுடன் கூடிய கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.
கடந்த 24 மணி நேரத்தில் அதிகபட்சமாக திருப்பூரில் 5 சென்டி மீட்டர் மழையும், தேனி மாவட்டம் மஞ்சளாறு பகுதியில் 4 சென்டி மீட்டர் மழையும் பதிவாகி உள்ளது.