கர்நாடகாவில் கொட்டித் தீர்க்கும் கனமழை

கர்நாடக மாநிலம் சிமோகா மாவட்டத்தில் உள்ள ஜோக் நீர்வீழ்ச்சியில் வெள்ளம் ஆர்ப்பரித்துக் கொட்டுவதால், அங்கு செல்ல தடை விதிக்கப்பட்டுள்ளது.

தென் மேற்கு பருவமழை காரணமாக, கர்நாடக மாநிலத்தில் கடந்த சில நாட்களாக கனமழை பெய்து வருகிறது. இதனால், நீர் நிலைகள் நிரம்பி வழிகின்றன. அதே நேரம், ஷிமோகா மாவட்டத்தில் உள்ள ஜோக் நீர்வீழ்ச்சியில் வெள்ளம் ஆர்ப்பரித்து கொட்டி வருகிறது. மேலும், கர்நாடக மாநிலத்தில் உள்ள அணைகளின் நீர்மட்டம் வெகுவாக உயர்ந்து வருவதாலும், அணைகளில் நீர் அதிகமாக திறக்கக் கூடும் என்பதாலும் முன்னெச்சரிக்கை நடவடிக்கையாக அங்குள்ள ஜோக் நீர்வீழ்ச்சிக்கு செல்ல கர்நாடக அரசு தடை விதித்துள்ளது.