தமிழகத்தில் 5 மாவட்டங்களில் கனமழைக்கு வாய்ப்பு

கிருஷ்ணகிரி, தர்மபுரி, நீலகிரி உள்ளிட்ட 5 மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

வெப்பசலனம் காரணமாக தமிழகம் மற்றும் புதுவையில் அடுத்த 24 மணி நேரத்திற்கு ஒரு சில இடங்களில் லேசானது முதல் மிதமான மழைக்கு வாய்ப்புள்ளது என்றும், சென்னையை பொறுத்தவரை வானம் மேகமூட்டத்துடன் காணப்படும் என்றும் தெரிவிக்கப்பட்டுள்ளது. அதிகபட்ச வெப்பநிலை 34 டிகிரி செல்சியஸ் ஆகவும் குறைந்தபட்ச வெப்பநிலை 27 டிகிரி செல்சியஸ் ஆகவும் பதிவாகும் என குறிப்பிட்டுள்ளது.

குறிப்பாக கிருஷ்ணகிரி, தர்மபுரி, சேலம், ஈரோடு, நீலகிரி ஆகிய மாவட்டங்களில் கனமழைக்கு வாய்ப்புள்ளது என்றும் கூறப்பட்டுள்ளது. கடந்த 24 மணி நேரத்தில் கிருஷ்ணகிரி மாவட்டம் நெடுங்காலில் 10 சென்டி மீட்டர் மழையும், கிருஷ்ணகிரி மற்றும் கன்னியக்குமாரி மாவட்டம் மைலாடியில் 8 சென்டி மீட்டர் மழையும் பதிவாகியுள்ளது.