ஈரோட்டில் 10ம் வகுப்பு பயிலும் மாணவிகளை கடத்திய 4 இளைஞர்கள் கைது

ஈரோட்டில் இரண்டு தினங்களுக்கு முன் 10ம் வகுப்பு பயிலும் மாணவிகளை கடத்திய 4 இளைஞர்களை காவல்துறையினர் கைது செய்துள்ளனர்.

ஈரோடு கருங்கல்பாளையத்தைச் சேர்ந்த 10ம் வகுப்பு பயிலும் மூன்று மாணவிகள், கடந்த 15ம் தேதி பள்ளிக்குச் செல்வதாக கூறி விட்டு சென்றுள்ளனர். ஆனால், பள்ளிக்கு செல்லாமல் மாயமாகினர். மாணவிகள் காணாமல் போனது குறித்து, அவர்களின் பெற்றோர் கருங்கல்பாளையம் காவல்நிலையத்தில் புகார் அளித்தனர். புகாரின் பேரில் வழக்குப் பதிவு செய்த காவல்துறையினர், தனிப்படை அமைத்து தேடுதல் வேட்டையில் ஈடுபட்டனர். இந்த நிலையில், அதே பகுதியைச் சேர்ந்த ஜீவா, கோபி, அரவிந்த் மற்றும் ஹரிஹரன் ஆகியோர், ஆசைவார்த்தை கூறி மாணவிகளை கடத்தியது தெரியவந்தது. இதையடுத்து 4 இளைஞர்களையும் கைது செய்து, நீதிமன்றத்தில் ஆஜர்படுத்திய காவல்துறையினர், அவர்களை சிறையில் அடைத்தனர்.