வேலூர் மாவட்டம் ஆம்பூர் அருகே நிகழ்ந்த கோர விபத்தில் திருப்பத்தூர் முன்னாள் சட்டமன்ற உறுப்பினர், அவரது மனைவி மற்றும் கார் ஓட்டுநர் ஆகியோர் உயிரிழந்தனர்.
முன்னாள் சட்டமன்ற உறுப்பினர் சுந்தரவேல், திருப்பத்தூரில் இருந்து தனது மனைவி விஜயலட்சுமியுடன் காரில் பெங்களூரு – சென்னை தேசிய நெடுஞ்சாலையில் சென்னை நோக்கி சென்று கொண்டிருந்தார். ஆம்பூர் அருகே விண்ணமங்கலத்தில் கார் விபத்துக்குள்ளானது.
ஓட்டுநரின் கட்டுப்பாட்டை இழந்த கார், முன்னாள் சென்ற லாரி மீது மோதியது. இதில் காரில் பயணம் செய்த சுந்தரவேல், விஜயலட்சுமி மற்றும் கார் ஓட்டுநர் வீரமணி ஆகியோர் சம்பவ இடத்திலேயே உயிரிழந்தனர்.
விபத்துக்குறித்து ஆம்பூர் கிராமிய காவல்நிலைய போலீசார் வழக்குப்பதிவு செய்து விசாரணை மேற்கொண்டுள்ளனர். இதையடுத்து சம்பவ இடத்திற்கு வந்த தீயணைப்பு வீரர்கள் லாரியின் அடியில் சிக்கிய உடல்களை மீட்டு மருத்துவமனைக்கு அனுப்பி வைத்தனர்.
Discussion about this post