நாமக்கல் அருகே, காரும், லாரியும் மோதிய விபத்தில் 5 பேர் பலி

நாமக்கல் அருகே, காரும், லாரியும் நேருக்கு நேர் மோதிக் கொண்ட விபத்தில் ஒரு குழந்தை உட்பட 5 பேர் உயிரிழந்த சம்பவம் சோகத்தை ஏற்படுத்தியுள்ளது.

நாமக்கல் மாவட்டம், எருமப்பட்டி அருகே உள்ள மாணிக்கவேலூர் பிரிவு சாலையில், காரும் லாரியும் நேருக்கு நேர் மோதிக்கொண்ட விபத்தில் மூன்று ஆண்கள், ஒரு பெண், ஒரு குழந்தை உள்பட 5 பேர் சம்பவ இடத்திலேயே உயிரிழந்தனர். காரில் பயணம் செய்த மற்றொரு பெண் உயிருக்கு ஆபத்தான சூழ்நிலையில், நாமக்கல் அரசு மருவத்துவமனையில் அனுமதிக்கப்பட்டுள்ளார். விபத்தில் உயிரிழந்தோர் நாமக்கல் மாவட்டம் பரமத்தியைச் சேர்ந்தவர்கள் என்பது முதற்கட்ட விசாரணையில் தெரியவந்துள்ளது.