திருப்பதியில் பூந்தி தயாரிக்கும் கூடத்தில் தீ விபத்து

திருப்பதி ஏழுமலையான் கோவில் அருகே, பூந்தி தயாரிக்கும் கூடத்தில் ஏற்பட்ட தீ விபத்தால் பக்தர்கள் பீதிஅடைந்தனர்.

திருப்பதி ஏழுமலையான் கோவில் அருகே உள்ள கூடத்தில், லட்டுக்கு தேவையான பூந்தி தயாரிக்கப்படுகிறது. இந்த நிலையில், பூந்தி தயாரிக்கும் கூடத்தில் இன்று திடீரென தீப்பற்றியது. ராட்சத அடுப்புகளில் எரிந்து கொண்டிருந்த தீ, அருகில் இருந்த கழிவுகள் மீது பட்டு தீப்பிடித்தது. கொழுந்து விட்டு எரிந்த தீயால் அந்த பகுதியில் கரும்புகை சூழ்ந்து கொண்டது. இதைப்பார்த்த பக்தர்கள் பீதியடைந்தனர். இதனையடுத்து சம்பவ இடத்திற்கு விரைந்த தீயணைப்பு துறையினர், போராடி தீயை அணைத்தனர். அதிர்ஷ்டவசமாக உயிர் சேதம் ஏதும் ஏற்படவில்லை.