யோவ்…மிலிட்டரி….! ரோஜா செடிக்கு மனுச உரமாயா போடுவ…?

திருப்பூர் அருகே கள்ளக்காதலியுடன் சேர்ந்து இரண்டு கொலைகள் செய்த முன்னாள் ராணுவ வீரர் ஒரு ஆண்டுகளுக்கு பிறகு போலீசில் வசமாக சிக்கியுள்ளார்.

இப்படியே பேசிக் கொண்டிருந்தால் அடித்து கொன்று தோட்டத்திற்கு உரமாக்கி விடுவேன் என கோபத்தில் பலரின் வார்த்தைகள் தடிப்பதுண்டு.

ஆனால் தன்னை எதிர்த்து பேசிய இருவரை அடித்து கொன்று உண்மையிலேயே தோட்டத்திற்கு உரமாக்கி உள்ளார் திருப்பூரை சேர்ந்த எக்ஸ் மிலிட்டரி மேன் ஒருவர்.

வெள்ளகோவில் சாலையில் நர்சரி பள்ளி நடத்தி வந்தவர் முன்னாள் ராணுவ வீரர் முத்துசாமி.

20 வருடங்களுக்கு முன் மனைவி பிரிந்து சென்று விட்ட நிலையில் 75 வயதான இவர், தனியே வசித்து வந்துள்ளார்.

இந்நிலையில் இவரின் நிலத்தை குத்தகைக்கு எடுத்த வேலுச்சாமி என்பவருக்கும் இவருக்கும் இடையே தகராறு ஏற்பட்டுள்ளது.

இதில் வேலுச்சாமியை கல்லால் அடித்தே கொன்றுள்ளார் மிலிட்டரி.

பின் நிதானமாக தோட்டத்தில் வைத்து அவரது உடலை எரித்து எலும்புகளை மட்டும் தனியே பிரித்து அதனை நர்சரி கார்டனில் உள்ள ரோஜா செடிகளுக்கு உரமாக்கி உள்ளார்.

வேலுச்சாமி சிறிது மன நலம் பாதிக்கப்பட்டவர்கள் என்பதால் அவர் உறவினர்கள் பெரிதாக அவரை தேடவில்லை.

வேலூச்சாமி உரமாகி ஒரு ஆண்டுகள் கடந்து விட்ட நிலையில் சில மாதங்களுக்கு முன் ரவி- அம்சவேணி என்ற தம்பதிகள் வேலுச்சாமியின் கார்டனுக்கு வேலைக்கு வந்துள்ளனர்.

தோட்டத்திற்கு தண்ணீர் ஊற்றும் வேலைக்கு வந்தவர், முத்துசாமிக்கு விருந்து வைக்க தொடங்கியுள்ளார்.

விஷயம் அறிந்து தோட்டத்தில் அடுத்த பஞ்சாயத்து ஆரம்பமானது. ரவியும் முத்துச்சாமியும் கட்டிப் புரண்டனர்.

கள்ளக்காதலன் அடி வாங்குவதை அம்சவேணியின் இளகிய மனதால் ஏற்றுக் கொள்ள முடியவில்லை.

இதையடுத்து முத்துச்சாமியுடன் சேர்ந்து கணவனை தாக்க தொடங்கினார்.

எதிரணி பலமானதால் எதிர்க்க முடியாமல் தள்ளாடிய ரவியை இருவரும் கட்டையால் அடித்து கொன்றனர்.

பின் வழக்கம் போல உடலை தோட்டத்தில் வைத்து எரியூட்டி உரம் தயாரித்துள்ளார் முத்துச்சாமி.

ரவி உரம் தயாரிக்கப்பட்டு 7 மாதங்கள் கடந்து விட்ட நிலையில் தோட்ட வேலைக்கு வந்த அம்சவேணி, தோட்டத்திற்கு எஜமானி ஆகியிருந்தார்.

இந்நிலையில் அங்கு வேலை செய்த பெண்களிடம் மிலிட்டரி ஏற்கனவே இருவரை கொண்டு புதைத்திருக்கிறார் பார்த்து நடந்து கொள்ளுங்கள் என்று மிரட்டியுள்ளார்.

அம்சவேணி உளறி கொட்டிய உர மேட்டர் ஊருக்குள் தீயாய் பரவியது.

தகவல் போலீசார் காதுக்கு வர அவர்கள் அம்சவேணி மற்றும் முத்துச்சாமியை பிடித்து தங்கள் பாணியில் சிறப்பு வகுப்பு எடுக்க இருவரும் உண்மையை ஒப்புக் கொண்டனர்.

இதனையடுத்து இருவரும் கைது செய்யப்பட்டு சிறையில் அடைக்கப்பட்டனர்.

மிரட்டலுக்கு கோபத்தில் சொல்லும் வார்த்தையை ஒருவர் உண்மையிலேயே நடத்தியுள்ள சம்பவம் அதிர்ச்சியை ஏற்படுத்தியுள்ளது.