ஈரோடு கிழக்கு தொகுதிக்குட்பட்ட கருங்கல்பாளையம், அசோகபுரம் பகுதிக்குட்பட்ட பூத் கமிட்டி நிர்வாகிகளுடன், முன்னாள் அமைச்சரும், தேர்தல் பணிக்குழு தலைவருமான செங்கோட்டையன் ஆலோசனை நடத்தினார். இந்த கூட்டத்தில் அதிமுக ஈரோடு கிழக்கு தொகுதி வேட்பாளர் கே.எஸ்.தென்னரசு, முன்னாள் அமைச்சர்கள் ஆர்.பி.உதயகுமார், சேவூர் ராமச்சந்திரன், கே.வி.ராமலிங்கம், சட்டமன்ற எதிர்க்கட்சி துணை கொறடா அரக்கோணம் ரவி, சட்டமன்ற உறுப்பினர் ஜெயக்குமார், முன்னாள் சட்டமன்ற உறுப்பினர் சிவசுப்பிரமணி உட்பட ஏராளமான கழக தொண்டர்கள், நிர்வாகிகள் கலந்து கொண்டனர். கூட்டத்தில் பேசிய முன்னாள் அமைச்சர் செங்கோட்டையன், ஈரோடு கிழக்கு தொகுதியில் அதிமுகவின் வெற்றியை இந்தியாவே திரும்பி பார்க்க இருக்கிறது என்றும், ஈரோடு என்றைக்கும் அதிமுகவின் கோட்டை என்பதை இந்த வெற்றியின் மூலம் நிரூபிப்போம் என்று தெரிவித்தார்.
