கனமழை காரணமாக எர்ணாகுளம்-வேளாங்கண்ணி ரயில்கள் ரத்து

கேரளாவில் பெய்து வரும் கனமழையால் எர்ணாகுளம், வேளாங்கண்ணி இடையே இயக்கப்படும் ரயில்கள் ரத்து செய்யப்படுவதாக அறிவிக்கப்பட்டுள்ளது.

பருவநிலை காரணமாக கேரளாவில் கடுமையான கனமழை பெய்து வருவதால் பல்வேறு பகுதிகள் வெள்ளக்காடாக காட்சி அளிக்கிறது.இந்த கன மழை காரணமாக தமிழகத்தில் இருந்து கேரள மாநிலத்திற்கு இயக்கப்படும் ரயில்கள் ரத்து செய்யப்படுவதாக தென்னக ரயில்வே அறிவித்துள்ளது. அதன்படி எர்ணாகுளம், வேளாங்கண்ணி எக்ஸ்பிரஸ் ரயில் இன்று ரத்து செய்யப்படுகிறது. அதேபோல் வேளாங்கண்ணி, எர்ணாகுளம் சிறப்பு ரயில் நாளை ரத்து செய்யப்படுகிறது என ரயில்வே நிர்வாகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.