சென்னையில் விடிய விடிய மழை பெய்து வருகிறது. இதனால் பொதுமக்கள் மகிழ்ச்சியடைந்துள்ளனர். தொடர் மழை காரணமாக வேலூர் மாவட்டத்தில் பள்ளி கல்லூரிகளுக்கு இன்று விடுமுறை விடப்பட்டுள்ளது.
வெப்பச்சலனம் காரணமாக சென்னையில் கிண்டி, அசோக் நகர், ஈக்காட்டுத்தாங்கல், நுங்கம்பாக்கம், கோடம்பாக்கம், வடபழனி, வளசரவாக்கம் உள்ளிட்ட பல்வேறு பகுதிகளில் விடிய விடிய மழை பெய்து வருகிறது. தொடர் மழை காரணமாக வெப்பம் தணிந்து குளிர்ச்சி நிலவுவதால் பொதுமக்கள் மகிழ்ச்சியடைந்துள்ளனர். இதனிடையே இன்றும், நாளையும் மழை நீடிக்கும் என்றும், மிதமான மழை முதல் கனமழைக்கு வாய்ப்பு உள்ளதாகவும் வானிலை ஆய்வு மையம் தெரிவித்துள்ளது. தமிழகத்தின் பல்வேறு பகுதிகளிலும் மிதமான மழைக்கு வாய்ப்பு உள்ளதாக வானிலை மையம் கூறியுள்ளது. 22 மாவட்டங்களில் மழை பெய்யும் என்றும் கூறப்பட்டுள்ளது.