சி.ஆர்.பி.எப் வீரர்கள் சென்ற வாகனங்கள் மீது தீவிரவாதிகள் தாக்குதல்

காஷ்மீரில் சி.ஆர்.பி.எப் வீரர்கள் சென்ற வாகனங்கள் மீது நிகழ்த்தப்பட்ட தற்கொலைப்படை தாக்குதலில் வீரமரணமடைந்த வீரர்களின் விபரங்கள் வெளியிடப்பட்டுள்ளன.

ஜம்மு காஷ்மீர் மாநிலம் புல்வாமா மாவட்டம் அவந்திபோராவில் 70 வாகனங்களில் மத்திய ரிசர்வ் போலீஸ் படை வீரர்கள் 2 ஆயிரத்து 500 பேர் சென்று கொண்டு இருந்தனர். அப்போது பாதுகாப்பு படை வீரர்கள் சென்ற 2 பேருந்துகள் மீது பதுங்கி இருந்த தற்கொலை படை தீவிரவாதிகள் தாக்குதல் நடத்தினர். இந்த தாக்குதலுக்கு ஜெய்ஷ்-இ-முகமது பயங்கரவாத அமைப்பு பொறுப்பேற்றுள்ளது. இதனிடையே தாக்குதலில் உயிரிழந்த வீரர்களில் 38 பேரின் விபரங்கள் வெளியிடப்பட்டுள்ளன.

காஷ்மீரில் புல்வாமா மாவட்டம் அவந்திபுராவில் நடத்தபட்ட தற்கொலைப்படை தாக்குதலில் 4க்கும் மேற்பட்ட சி.ஆர்.பி.எப் வீரர்கள் சம்பவ இடத்திலேயே உயிரிழந்தனர். இதில் 2 தமிழர்கள் வீரமரணம் அடைந்துள்ளனர். அதில் ஒருவர் தூத்துக்குடி மாவட்டத்தைச் சேர்ந்த சுப்ரமணி என்று அடையாளம் காணப்பட்டுள்ளது.

கடைசியாக தனது மகனுடன் நேற்றுமுன் தினம் தொலைப்பேசியில் பேசியதாக காஷ்மீர் தாக்குதலில் உயிரிழந்த கோவில்பட்டியைச் சேர்ந்த சுப்ரமணியனின் தந்தை தெரிவித்துள்ளார்.