சீனாவில் கொரோனா வைரஸ் பாதிப்பால் உயிரிழந்தவர்களின் எண்ணிக்கை 2 ஆயிரத்தை தொட்டுள்ளது.
சீனா உள்ளிட்ட 7 நாடுகளில் கொரோனா வைரஸ் பாதிப்பு பரவிவரும் நிலையில், நோய் தடுப்பு நடவடிக்கைகளில் அந்நாட்டு அரசுகள் முனைப்பு காட்டி வருகின்றன. எனினும், நாள்தோறும் கொரோனா வைரஸ் பாதிப்பால் உயிரிழப்பவர்களின் எண்ணிக்கை அதிகரித்து வருகிறது. சீனாவில் ஒரே நாளில் 132 பேர் பலியானதையடுத்து, பலி எண்ணிக்கை 2 ஆயிரத்து 4 ஆக அதிகரித்துள்ளது. மேலும், ஹூபே மாகாணத்தில் 93 பேருக்கு கொரோனா வைரஸ் பாதிப்பு இருப்பது கண்டறியப்பட்டுள்ளது. இதுவரை 74 ஆயிரத்து 185 பேர் கொரோனா வைரஸ் தாக்குதலுக்கு ஆளாகி உள்ளதாக சீனா தெரிவித்துள்ளது. அதேபோல், ஆயிரத்து 693 பேருக்கு வைரஸ் உறுதி செய்யப்பட்டுள்ளது.