அதிமுக மற்றும் அதன் கூட்டணி கட்சிகள் போட்டியிடும் தொகுதிகள் குறித்த விவரங்களை, அதிமுக ஒருங்கிணைப்பாளர் ஓ. பன்னீர்செல்வம் வெளியிட்டார். அந்த தொகுதி விவரங்களை தற்போது பார்க்கலாம்.
அதிமுக மெகா கூட்டணியில், பாஜக, பாமக, தேமுதிக, தமாகா, புதிய தமிழகம், புதிய நீதி கட்சி மற்றும் என்.ஆர். காங்கிரஸ் இடம்பெற்றுள்ளன. இதில், அதிமுக நேரடியாக, சேலம், நாமக்கல், கிருஷ்ணகிரி, ஈரோடு, கரூர், திருப்பூர், பொள்ளாச்சி, ஆரணி, திருவண்ணாமலை, சிதம்பரம் (தனி), பெரம்பலூர், தேனி, மதுரை, நீலகிரி, திருநெல்வேலி, நாகப்பட்டினம், மயிலாடுதுறை, திருவள்ளூர், காஞ்சிபுரம், தென் சென்னை ஆகிய 20 தொகுதிகளில் போட்டியிடுகிறது.
அடுத்தபடியாக, 7 போட்டியிடும் கூட்டணி கட்சியான பாமக, தருமபுரி, விழுப்புரம், அரக்கோணம், கடலூர், மத்திய சென்னை, திண்டுக்கல், ஸ்ரீபெரும்புதூர் ஆகிய தொகுதிகளில் களம் காண்கிறது.
அதிமுக கூட்டணியில் இம்பெற்றுள்ள பாஜக, கன்னியாகுமரி, சிவகங்கை, கோயம்புத்தூர், ராமநாதபுரம், தூத்துக்குடி ஆகிய தொகுதிகளில் போட்டியிடுகிறது.
அதிமுக கூட்டணியில், கள்ளக்குறிச்சி, திருச்சி, விருதுநகர், வடசென்னை ஆகிய நான்கு தொகுதிகளில் தேசிய முற்போக்கு திராவிடர் கழகம் போட்டியிடுகிறது.
அதிமுகவின் மற்ற கூட்டணி கட்சிகளான புதிய தமிழகம் தென்காசியிலும், தமிழ் மாநில காங்கிரஸ் தஞ்சாவூரிலும், புதிய நீதிக்கட்சி வேலூரிலும், என்.ஆர். காங்கிரஸ் புதுச்சேரியிலும் போட்டியிடுகின்றன.
Discussion about this post