தங்க கருட வாகனத்தில் எழுந்தருளிய மலையப்பசுவாமி

திருமலை ஏழுமலையான் கோயிலில் தங்க கருட வாகனத்தில் மலையப்ப சுவாமி எழுந்தருளி பக்தர்களுக்கு அருள்பாலித்தார்.

புகழ்பெற்ற திருமலை ஏழுமலையான் கோயிலில் வைகாசி மாத பௌர்ணமியையொட்டி மலையப்ப சுவாமி தங்க கருட வாகனத்தில் எழுந்தருளி பக்தர்களுக்கு அருள் பாலித்தார். அப்போது 4 மாட வீதியில் இருபுறமும் காத்திருந்த ஆயிரக்கணக்கான பக்தர்கள் கோவிந்தா, கோவிந்தா என மனம் உருகி வேண்டி கொண்டனர். இதில் இணை செயல் அலுவலர், துணை செயல் அலுவலர் உள்ளிட்ட அதிகாரிகளும் பக்தர்கள் பங்கேற்றனர்.