சாலையோரம் நின்றிருந்தவர்கள் மீது கார் மோதி விபத்து

திருச்சி அருகே தாறுமாறாக ஓடிய கார் மோதி, சாலையோரம் நின்றிருந்த இரு பெண்கள் பரிதாபமாக பலியானார்கள்

திருச்சிமாவட்டம்,மணப்பாறை அடுத்துள்ள மறவனூர் என்ற இடத்தில் குழவாய்ப்பட்டியை சேர்ந்த அழகுமணி, மறவனூரை சேர்ந்த பச்சையம்மாள் ஆகிய இருவரும் சாலையோரம் ஆடுமேய்த்துக்கொண்டிருந்தனர். அப்போது மணப்பாறை நோக்கி சென்று கொண்டிருந்த ஒரு கார் தாரு மாறாக ஓடி இருவர் மீதும் மோதியது. இச்சம்பவத்தில் இருவரும் பரிதாபமாக உயிரிழந்தனர். ஒரே விபத்தில் அருகருகே உள்ள கிராமத்தை சேர்ந்த
இரு பெண்கள் பலியான தகவல் அப்பகுதியில் சோகத்தை ஏற்படுத்தியுள்ளது. விபத்து குறித்து போலீசார் விசாரித்து வருகின்றனர்