புதுச்சேரியில் மதுபோதையில் கார் ஓட்டி விபத்து ஏற்படுத்திய நபரை பொதுமக்கள் தர்மஅடி கொடுத்து, காவல்துறையினரிடம் ஒப்படைத்தனர்.
புதுச்சேரி, அன்னைதெரேசா நகரை சேர்ந்த கார்த்திகேயன் என்பவர், தனது நண்பருடன் காமராஜர் சாலையில், காரில் சென்று கொண்டிருந்தார். அப்போது, கட்டுப்பாட்டை இழந்த கார், சாலையில் சென்றுகொண்டிருந்த ஒருவர் மீது மோதி விபத்துக்குள்ளானது.
இதனால் ஆவேசமடைந்த அப்பகுதி மக்கள், கார்த்திகேயன் மற்றும் அவரது நண்பரை சரமாரியாக தாக்கினர். தகவலறிந்து சம்பவ இடத்திற்கு வந்த போக்குவரத்து காவல் துறையினர் அவர்கள் இருவரையும், பொதுமக்களிடமிருந்து மீட்டு விசாரணை மேற்கொண்டனர்.
விசாரணையில் அவர்கள் மதுபோதையில் கார் ஓட்டியது தெரியவந்தது. இதுதொடர்பாக காவல் துறையினர் வழக்கு பதிவு செய்து அவர்கள் இருவரை கைது செய்தனர். விபத்தில் காயமடைந்தவர்கள் அரசு மருத்துவமனையில் சிகிச்சை பெற்று வருகின்றனர். இந்த விபத்தால் அப்பகுதியில் சிறிது நேரம் போக்குவரத்து பாதிக்கப்பட்டது.
Discussion about this post