சென்னையில் இருந்து பேருந்துகள் புறப்படும் இடங்கள் அறிவிப்பு

தீபாவளி பண்டிகையை கொண்டாட சொந்த ஊருக்கு செல்லும் பொது மக்களின் வசதிக்காக பேருந்துகள் புறப்படும் இடங்கள் அறிவிக்கப்பட்டுள்ளன.

கோயம்பேடு பேருந்து நிலையத்தில் இருந்து இருக்கைகள் நிரம்பிய பேருந்துகள் மதுரவாயல், பூந்தமல்லி, நசரத்பேட்டை வழியாக வண்டலூர் செல்லும்.

முன்பதிவு செய்யப்பட்ட பேருந்துகளில் செல்லும் பயணிகள் தாம்பரம் மற்றும் பெருங்களத்தூருக்கு பதிலாக ஊரப்பாக்கம் மற்றும் கேளம்பாக்கம் பேருந்து நிலையங்களில் ஏறிக்கொள்ளலாம். மதுரை, நெல்லை, கன்னியாகுமரி போன்ற தென் மாவட்டங்களுக்கு புறப்படும் பேருந்துகள் கோயம்பேட்டில் இருந்து புறப்படும்.

திருவண்ணாமலை செல்லும் பேருந்துகள் தாம்பரம் ரயில் நிலையத்தில் இருந்து புறப்படும். விக்கிரவாண்டி மற்றும் பண்ருட்டி வழியாக கும்பகோணம் மற்றும் தஞ்சாவூர் செல்லும் பேருந்துகள் தாம்பரம் அண்ணா பேருந்து நிலையத்தில் இருந்து புறப்படும்.

கிழக்கு கடற்கரைசாலை வழியாக புதுச்சேரி, கடலூர், சிதம்பரம் செல்லும் பேருந்துகள் கே.கே.நகர் பேருந்து நிலையத்தில் இருந்து புறப்படும். ஊத்துக்கோட்டை, காளகஸ்தி, நெல்லூர், திருப்பதி செல்லும் பேருந்துகள் மாதவரம் பேருந்து நிலையத்தில் இருந்து புறப்படும்.

காஞ்சிபுரம், வேலூர், கிருஷ்ணகிரி, தர்மபுரி செல்லும் பேருந்துகள் பூந்தமல்லி பேருந்து நிலையத்திலிருந்து புறப்படும் என அறிவிக்கப்பட்டுள்ளது.