நெல்லை அருகே வீட்டின் பின்பக்க கதவை உடைத்து பீரோவில் இருந்த 80 சவரன் தங்க நகைகளை மர்ம நபர்கள் கொள்ளையடித்து சென்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.
நெல்லை மாவட்டம் ஆலங்குளம் பகுதியில் வசித்து வருபவர் வேலவன். இவர் தனது தாயின் மருத்துவ பரிசோதனைக்காக சென்னையில் உள்ள தனது சகோதரர் வீட்டிற்கு குடும்பத்துடன் கடந்த வெள்ளிக்கிழமை சென்றிருந்தார். ஆலங்குளம் வீட்டில் யாரும் இல்லாததை அறிந்த மர்ம நபர்கள், பின் பக்க கதவை உடைத்து பீரோவில் இருந்த 17 லட்சம் ரூபாய் மதிப்புள்ள 80 சவரன் தங்க நகைகளை கொள்ளையடித்து சென்றுள்ளனர்.
சென்னையில் இருந்து திரும்பிய வேலவன் வீட்டின் பின் கதவு உடைக்கப்பட்டிருப்பதையும், நகைகள் கொள்ளை போனதையும் அறிந்து ஆலங்குளம் போலீசாரிடம் புகார் அளித்துள்ளார். கொள்ளை சம்பவம் குறித்து போலீசார் வழக்குப் பதிவு செய்து விசாரித்து வருகின்றனர்.
Discussion about this post