நீலகிரி மாவட்டம் உதகையில் உள்ள பின் தங்கிய மலைக் கிராம பள்ளிகளுக்கு புத்தகங்கள் வழங்கும் நிகழ்ச்சி நடைபெற்றது.
நீலகிரி மாவட்டத்தில் குன்னூர், கோத்தகிரியை உள்ளிட்ட நகரங்களைச் சுற்றி எண்ணற்ற பின் தங்கிய கிராமங்கள் உள்ளன. இந்த கிராமங்களில் உள்ள பள்ளிகளில் படிக்கும் மாணவர்களுக்காக, புத்தகங்கள் வழங்கும் நிகழ்ச்சி உதகையில் நடைபெற்றது. மாவட்ட ஆட்சியர் இன்னசெண்ட் திவ்யா நிகழ்ச்சியில் கலந்து கொண்டு 100 பள்ளிகளுக்கு தலா 50 புத்தகங்கள் வீதம் 5000 புத்தகங்களை வழங்கினார். இதைத் தொடர்ந்து பேசிய அவர், மாணவ மாணவியர் தினந்தோறும் புத்தகங்களைப் படிக்க வேண்டும் என்று கேட்டுக் கொண்டார்.