இன்று பிக்பாஸ் வீட்டின் 58வது நாள்.சில நாட்களுக்கு முன்பு பிக்பாஸ் வீட்டின் விதியை மீறிய காரணங்களுக்காக மதுமிதா வெளியேற்றப்பட்டார்.அதற்கு பின் அந்த சண்டை குறித்து எந்த ஒரு வீடியோவும் வெளியிடவில்லை.பலர் மதுமிதா தனது கையை அறுத்துக்கொண்டது குறித்து சமூக வலைதளங்களில் விவாதித்து வருகின்றனர். பின்பு மக்களால் தேர்ந்தெடுக்கப்பட்டு அபிராமியும் கடந்த வாரம் வெளியேற்றப்பட்டார்.
அபிராமி மற்றும் மது வெளியேறிய பின் வீட்டின் புது கேப்டனாக ஷெரின் தேர்ந்தெடுக்கப்பட்டார்.சண்டை , அழுகை, விவாதம் என கடந்த வாரம் இருந்த நிலையில் வீட்டில் உள்ளவர்களை கலகலப்பாக மாற்ற வேண்டும் என இன்று பிக்பாஸ் வீடு குழந்தைகளின் பட்டாளத்தில் சூழ்ந்துள்ளது.இன்று பிக்பாஸ் வீட்டில் உள்ள போட்டியாளர்கள் குழந்தைகள் போல் பள்ளி சீருடை அணிந்துள்ளனர்.சேரன் பள்ளியின் தலைமையாசிரியராகவும், கஸ்தூரி ஆசிரியாராகவும் டாஸ்க்கை விளையாடுகின்றனர்.
இன்றைய பிக்பாஸ் முதல் ப்ரோமோவில் லாஸ்லியா, சாண்டி, முகென், கவின், தர்ஷன், ஷெரின், வனிதா அனைவரும் பள்ளிக்கு கிளம்புவது போல் ஆர்வமாக கிளம்புகின்றனர்.சேரன், கஸ்தூரியிடம் டீச்சர் மற்ற குழந்தைகள் எங்கே ? என கேட்கிறார்.அதற்கு சாண்டியோ, சார் இது டீச்சர் இல்ல சத்துணவு ஆயா என நக்கல் செய்ய அனைவரும் சிரிக்கின்றனர்.
இரண்டாவது ப்ரோமோவில் கஸ்தூரி, வனிதாவை வாத்து என அழைக்கிறார். அதற்கு வனிதாவோ சேரனிடம் வாத்து என அழைத்ததற்கு கஸ்தூரியை மன்னிப்பு கேட்க சொல்லுங்கள், குழந்தைகளுக்கு ஒரு நியாயம், டீச்சருக்கு ஒரு நியாயமா என கேள்வி கேட்க, சேரனோ என்ன செய்வது என தெரியாமல் முழிக்கிறார்.இன்றைய பிக்பாஸ் வீடு நிச்சயம் கலகலப்பு நிறைந்ததாக இருக்கும்.