சென்னையில் பயங்கர ஆயுதங்களோடு சுற்றித்திரிந்த கும்பல் கைது

சென்னையில் பயங்கர ஆயுதங்களோடு சுற்றி வந்த பிரபல ரவுடி கும்பலை காவல் துறையினர் சுற்றி வளைத்து கைது செய்தனர்.

செஞ்சி அருகேயுள்ள வலசை பகுதியில் துப்பாக்கியோடு கும்பல் பதுங்கியுள்ளதாக காவல் துறையினருக்கு தகவல் கிடைத்துள்ளது. இதனையடுத்து அங்கு சென்ற காவல் துறையினர் சின்ன சிவக்குமார் மற்றும் அவரது கூட்டாளி ராஜ்குமார், சண்முகம், ஹரிகுமார், அருண் உள்ளிட்ட 5 பேரை கைது செய்து சிறையிலடைத்தனர்.

அவர்களிடமிருந்து 9 mm கை துப்பாக்கி, தோட்டா, 8 பட்டா கத்திகள், 50 ஆயிரம் ரூபாய் பணம், 5 மோதிரங்கள் உள்ளிட்டவைகளை கைப்பற்றினர். இதனையடுத்து இவர்கள் 5 பேரும் நீதிமன்றத்தில் ஆஜர்படுத்தப்பட்டு, சிறையிலடைக்கப்பட்டனர்.