சென்னையில் விலையுயர்ந்த கார் மற்றும் இருசக்கர வாகனங்கள் திருடிவந்த கொள்ளையன் கைது

சென்னையில், விலை உயர்ந்த இருசக்கர வாகனங்கள் மற்றும் கார்களை திருடிவந்த, பிரபல கொள்ளையனை காவல்துறையினர் கைதுசெய்தனர்.

சென்னை சூளைமேடு பகுதியில் இருசக்கர வாகனம் திருடப்பட்டதாக வந்த தகவலையடுத்து, வழக்குப்பதிவு செய்த காவல்துறையினர், தனிப்படை அமைத்து தீவிர தேடுதல் வேட்டை நடத்தினர். இந்தநிலையில், சூளைமேடு பகுதியில், இருசக்கர வாகனத்தில் வந்த நபரை சந்தேகத்தின்பேரில், பிடித்து விசாரணை நடத்தியபோது, அவர் நெல்லை மாவட்டத்தை சேர்ந் கொம்பையா என்பதும், சூளைமேடு, நுங்கம்பாக்கம், அமைந்தகரை எம்எம்டிஏ ஆகிய பகுதிகளில் விலையுயர்ந்த இருசக்கர வாகனங்கள் மற்றும் கார்களை திருடியதும் தெரியவந்தது. அவற்றை, திருநெல்வேலி மற்றும் கேரளாவில் விற்பனை செய்ததும் கண்டுபிடிக்கப்பட்டது. அவரை கைது செய்து, திருடப்பட்ட 6 கார்கள் மற்றும் 7 இரு சக்கர வாகனங்களை பறிமுதல் செய்த காவல்துறையினர், எழும்பூர் நீதிமன்றத்தில் ஆஜர்படுத்தி புழல் சிறையில் அடைத்தனர்.