சென்னை-திருச்சி இடையே விமானப் போக்குவரத்து இன்று தொடங்கியது!!!

திருச்சி, சென்னை இடையேயான உள்நாட்டு விமானப் போக்குவரத்து இன்று தொடங்கியது. நாடு முழுவதும் உள்நாட்டு விமானப் போக்குவரத்து நேற்று தொடங்கிய நிலையில், திருச்சியிலிருந்து சென்னை மற்றும் பெங்களூரு இடையேயான விமான சேவை தொடங்கப்படும் என இண்டிகோ நிறுவனம் அறிவித்திருந்தது. அதன்படி, திருச்சி-பெங்களூரு இடையே நேற்று விமானப் போக்குவரத்து நடைபெற்றது. ஆனால், சில தவிர்க்க முடியாத காரணத்தால், திருச்சியில் இருந்து சென்னைக்கு இயக்கப்படும் விமான சேவையை இண்டிகோ நிறுவனம் நேற்று ரத்து செய்தது. இந்நிலையில், சென்னை-திருச்சி இடையிலான உள்நாட்டு விமான சேவை இன்று தொடங்கியது. வழிகாட்டு நெறிமுறைகளைப் பின்பற்றி பயணிகள் விமானத்தில் பயணம் மேற்கொண்டனர்.