சென்னையில் இன்று அதிமுக எம்எல்ஏ-க்கள் கூட்டம்

அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி கூட்டாக வெளியிட்டுள்ள அறிக்கையில், திங்கட்கிழமை நண்பகல் 12 மணிக்கு சென்னை ராயப்பேட்டையில் உள்ள தலைமை அலுவலகத்தில் அதிமுக எம்எல்ஏ-க்கள் கூட்டம் நடைபெறும் என அறிவிக்கப்பட்டுள்ளது. கூட்டத்தில் பங்கேற்கும் எம்எல்ஏக்கள் கொரோனா தடுப்பு வழிகாட்டு நெறிமுறைகளை பின்பற்ற வேண்டும் என்றும், எம்எல்ஏக்கள் அடையாள அட்டையுடன் கூட்டத்தில் கலந்துகொள்ள வேண்டும் என்றும் அறிவுறுத்தப்பட்டுள்ளனர். இந்த கூட்டம் நடைபெறும் தினத்தன்று தலைமை அலுவலகத்திற்கு அதிமுக நிர்வாகிகள் வருவதை தவிர்க்க வேண்டும் என்றும், எம்எல்ஏக்களை தவிர வேறு யாருக்கும் அனுமதியில்லை என்றும் தெரிவிக்கப்பட்டுள்ளது.