அ.தி.மு.க. தேர்தல் அறிக்கை, ஒருங்கிணைப்பாளர் ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிசாமியிடம் ஒப்படைக்கப்பட்டது.
நாடாளுமன்ற தேர்தல் தேதி விரைவில் அறிவிக்கப்படவுள்ளது. இந்தநிலையில் அரசியல் கட்சிகள் தேர்தல் அறிக்கை தயாரிப்பில் ஈடுபட்டு வருகின்றனர். இதனிடையே தொகுதி பங்கீட்டு குழு, தேர்தல் பிரச்சாரக்குழு, தேர்தல் அறிக்கை தயாரிக்கும் பணியில் அ.தி.மு.க. சார்பில் அமைக்கப்பட்டது.
இந்தநிலையில், பொன்னையன் தலைமையில் அமைக்கப்பட்ட 7 பேர் கொண்ட தேர்தல் அறிக்கை தயாரிப்பு குழு, அ.தி.மு.க.வின் தேர்தல் அறிக்கையை இறுதி செய்தது. இதையடுத்து, சென்னை ராயப்பேட்டையில் உள்ள அ.தி.மு.க. தலைமை அலுவலகத்தில் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமியிடம் தேர்தல் அறிக்கை இன்று ஒப்படைக்கப்பட்டது.
Discussion about this post