40 ஆயிரத்துக்கு கீழ் குறைந்த இந்தியாவின் தினசரி கொரோனா பாதிப்பு

இந்தியாவில் ஐந்து நாட்களுக்கு பிறகு கொரோனா தினசரி பாதிப்பு மீண்டும் 40 ஆயிரத்துக்கு கீழ் குறைந்துள்ளது.

கடந்த 7ம் தேதி 33 ஆயிரத்து 703 பேருக்கு கொரோனா கண்டறியப்பட்ட நிலையில், 5 நாட்களுக்கு பிறகு இன்று 37 ஆயிரத்து 154 பேருக்கு தொற்று உறுதி செய்யப்பட்டுள்ளது.

இதன் மூலம், ஒட்டுமொத்த பாதிப்பு 3 கோடியே 8 லட்சத்து 74 ஆயிரமாக அதிகரித்துள்ளது. நேற்று ஒரே நாளில், கொரோனா வைரசுக்கு 724 பேர் உயிரிழந்தனர்.

இதனை அடுத்து, இறப்பு எண்ணிக்கை 4 லட்சத்து 8 ஆயிரத்து 764ஆக உயர்ந்துள்ளது. 39 ஆயிரத்து 649 பேர் கொரோனாவில் இருந்து மீண்டு வீடு திரும்பியுள்ளனர்.

4 லட்சத்து 50 ஆயிரம் பேர் வைரசால் பாதிக்கப்பட்டு, சிகிச்சை பெற்று வருகின்றனர்.

நாடு முழுவதும் இதுவரை 37 கோடியே 73 லட்சத்து 52 ஆயிரம் பேருக்கு தடுப்பூசி போடப்பட்டுள்ளதாக மத்திய சுகாதாரதுறை வெளியிடு இருக்கும் செய்தி குறிப்பில் தெரிவிக்கப்பட்டுள்ளது.