தண்டவாளத்தில் தவறி விழுந்த சிறுவன்!- துணிச்சலாக செயல்பட்ட ரயில்வே ஊழியர்

மும்பையில், தண்டவாளத்தில் தவறி விழுந்த சிறுவனை, ரயில்வே ஊழியர் துணிச்சலுடன் செயல்பட்டு மீட்கும் காட்சி வெளியாகியுள்ளது. மும்பையில் உள்ள வான்கனி ரயில் நிலையத்தின் நடைமேடையில், சிறுவனுடன் தாய் நடந்துச் சென்றுள்ளார். அப்போது, நடை மேடையில் இருந்து தவறி விழுந்த சிறுவனை காப்பாற்ற முடியாமல் தாய் பரிதவித்துப் போனார். தண்டவாளத்தில் நின்று துடித்த சிறுவனை பார்த்த ரயில்வே ஊழியர், எதிரே ரயில் வருவதையும் பார்த்து மிகவும் வேகமாக ஓடிவந்து காப்பாற்றினார். கண் இமைக்கும் நேரத்தில், துணிச்சலாக செயல்பட்டு சிறுவனின் உயிரை காப்பாற்றிய ரயில்வே ஊழியருக்கு, சமூக வலைதளங்கள் வாயிலாக பாராட்டுகள் குவிந்துள்ளன.