ஈரோட்டில் இளைஞரின் தலையை துண்டித்து கொலை

ஈரோட்டில் இளைஞரின் தலையை துண்டித்து கொலைசெய்த நபர்களை போலீசார் தேடிவருகின்றனர்.

சூளை லட்சுமி நகரில் உள்ள பிச்சைக்காரன் பள்ளம் ஓடை அருகே இளைஞரின் தலை துண்டிக்ககப்பட்ட நிலையில் காணப்பட்டதையடுத்து, காவல்துறைக்கு தகவல்தெரிவிக்கப்பட்டது. சம்பவ இடத்திற்கு விரைந்த போலீசார், துண்டிக்கப்பட்ட தலையை மீட்டு, உடலை தேடும் பணியில் ஈடுபட்டனர். அப்போது 2 வீதிகளை கடந்து ஓடை கரையோரத்தில் உடல் மீட்கப்பட்டது. இதையடுத்து, உடலை பரிசோதனைக்காக அனுப்பிவைத்த காவல்துறையினர், மோப்பநாய் உதவியுடன் கொலையாளிகளை தேடி வருகின்றனர். கொலை செய்யப்பட்டவர் யார் என அடையாளம் காணப்படாத நிலையில், கொலைக்கான காரணம் என்ன என்பது குறித்து தீவிர விசாரணை நடத்தி வருகின்றனர்.