குடிபோதையில் ஏற்பட்ட தகராறு : கொலையில் முடிந்த விபரீதம்

ஈரோட்டில் குடிபோதையில் ஏற்பட்ட  தகராறில் கூலி தொழிலாளியின் தலையில் கல்லை போட்டு கொலை செய்த 2 பேரை கருங்கல்பாளையம் காவல்துறையினர் தேடி வருகின்றனர்.

ஈரோடு அய்யன்காடு பகுதியை சேர்ந்த தொழிலாளி துரையன், நெரிக்கல்மேடு பகுதியில் உள்ள மதுபான கடையில் மதுகுடிப்பதற்காக சென்றுள்ளார். அங்கு அவருக்கும், மது அருந்திக் கொண்டிருந்த 2 பேருக்கும் தகராறு ஏற்பட்டுள்ளது. இதையடுத்து, அந்த இருவரும் அருகில் கிடந்த பெரிய கல்லை எடுத்து துரையனின் தலையில் போட்டுவிட்டு தப்பிச் சென்றனர். படுகாயத்துடன் ஈரோடு அரசு மருத்துவமனையில் அனுமதிக்கப்பட்ட சிறிது நேரத்தில் துரையன் உயிரிழந்தார். இது தொடர்பாக வழக்குப்பதிவு செய்த கருங்கல்பாளையம் காவல்துறையினர், கொலையாளிகளை தேடி வருகின்றனர்.