ஈரோடு அருகே லாரியும் காரும் நேருக்கு நேர் மோதி விபத்து

ஈரோடு அருகே லாரியும், காரும் நேருக்கு நேர் மோதிய விபத்தில் காவல் உதவி ஆய்வாளர் குடும்பத்துடன் பலியான சம்பவம் சோகத்தை ஏற்படுத்தியுள்ளது.

கடலூர் மாவட்டம் சிதம்பரம் அருகேயுள்ள மூங்கிலாடி பகுதியை சேர்ந்த செல்வம் என்பவர் அதிரடிப்படை பிரிவில் காவல் உதவி ஆய்வாளராக பணியாற்றி வந்துள்ளார். இந்நிலையில், தனது மனைவி, குழந்தை மற்றும் நண்பரான முரளி என்பவருடன் செல்வம் சத்தியமங்கலத்திற்கு காரில் சென்றுள்ளார். அப்போது, சாலையில் படுத்திருந்த வெள்ளாடுகள் மீது மோதாமலிருக்க வாகனத்தை திருப்பியுள்ளார். அப்போது எதிர்பாராதவிதமாக எதிரே வந்த லாரி மீது கார் மோதி விபத்துக்குள்ளானது. இந்த விபத்தில் செல்வத்தின் மனைவி, குழந்தை மற்றும் நண்பர் முரளி ஆகியோர் சம்பவ இடத்திலேயே உயிரிழந்தனர். பலத்த காயங்களுடன் மருத்துவமனைக்கு கொண்டு செல்லப்பட்ட காவல் உதவி ஆய்வாளர் செல்வம், செல்லும் வழியிலேயே உயிரிழந்தார். காவல் உதவி ஆய்வாளர் குடும்பத்துடன் சாலை விபத்தில் பலியான சம்பவம் சோகத்தை ஏற்படுத்தியுள்ளது.