ஈரோடு மாவட்டம் பா.வெள்ளாளபாளையத்திற்கு சிறந்த ஊராட்சிக்கான விருது

ஈரோடு மாவட்டம், கோபிசெட்டிபாளையம் அருகே உள்ள பா.வெள்ளாளபாளையம் ஊராட்சி, சிறந்த ஊராட்சிக்கான விருதை பெற்றுள்ளதால் அக்கிராம மக்கள் மகிழ்ச்சியடைந்துள்ளனர்.

அக்டோபர் மாதம் 23ஆம் தேதி டெல்லியில் அகில இந்திய அளவில், சிறந்த ஊராட்சிகளுக்கான விருது வழங்கும் நிகழ்ச்சி நடைபெற்றது. இதில் 2017-18ம் ஆண்டிற்கான தேசிய அளவில் சிறந்த ஊராட்சிக்கான விருதினை ஈரோடு மாவட்டம் கோபிசெட்டிபாளையம் அடுத்துள்ள பா.வெள்ளாளபாளையம் ஊராட்சி பெற்றது. இதற்கான விருதினை நரேந்திரசிங் தோமர் வழங்கினார். இதையடுத்து, வட்டார வளர்ச்சி அலுவலர்கள், ஊராட்சி அலுவலர்கள், தமிழக பள்ளிகல்விதுறை அமைச்சர் செங்கோட்டையன் இல்லத்திற்கு சென்று சிறந்த ஊராட்சிக்கான விருதினை காண்பித்து வாழ்த்து பெற்றனர். கடந்த 2007 ஆம் ஆண்டு தூய்மையான ஊராட்சிக்கான விருதை பா. வெள்ளாளபாளையம் பெற்றது குறிப்பிடத்தக்கது.