கூடலூர் அருகே குழந்தைகளுக்கு பாலியல் தொல்லை கொடுத்த இரு முதியவர்கள்

கூடலூர் அருகே குழந்தைகளுக்கு பாலியல் தொல்லை கொடுத்த இருவர் போக்ஸோ சட்டத்தின் கீழ் கைது செய்யப்பட்டனர்.

பந்தலூர் பகுதியைச் சேர்ந்த இருவர், தங்களது குழந்தைகளுக்கு பாலியல் தொல்லை கொடுத்து வருவதாக பெற்றோர்கள் சிலர் காவல் நிலையத்தில் புகார் அளித்துள்ளனர். அதனடிப்படையில் அதேப்பகுதியைச் சேர்ந்த கிருஷ்ணன் மற்றும் ராசையா என்ற இரு முதியவர்களை, போக்ஸோ சட்டத்தின் கீழ் காவல்துறையினர் கைது செய்தனர். இவர்கள் இருவரும், கடந்த மே மாதம் பள்ளி விடுமுறை காலத்தில், வீட்டில் இருந்த குழந்தைகளை மறைவான இடத்திற்கு அழைத்துச் சென்று பாலியல் தொல்லை கொடுத்ததாக, குழந்தைகள் பெற்றோரிடம் கூறியுள்ளனர். இதையடுத்து கைது செய்யப்பட்ட இரு முதியவர்களும், கோவை மத்திய சிறையில் அடைக்கப்பட்டனர்.