தாளவாடி பகுதியில் தெருநாய்களின் தொல்லை அதிகரித்துள்ளதால் அவற்றைப் பிடிக்க, ஊராட்சி நிர்வாகத்திற்குப் பொதுமக்கள் கோரிக்கை விடுத்துள்ளனர்
ஈரோடு மாவட்டம் தாளவாடியில் தெரு நாய்களின் தொல்லை நாளுக்கு நாள் அதிகரித்துக் கொண்டே வருகிறது. மேலும் கடந்த சில நாட்களாக நாய்கள் கூட்டம் கூட்டமாக சாலைகளில் சுற்றி வந்து, அச்சுறுத்துவதாகவும் அப்பகுதி மக்கள் புகார் தெரிவித்துள்ளனர். சாலையில் இருசக்கர வாகனங்களில் செல்வோரை நாய்கள் துரத்துவதால் விபத்துக்கள் ஏற்படுவதாகவும், சாலையில் செல்லும் பள்ளிக் குழந்தைகளை அச்சுறுத்துவதாகவும் பொதுமக்கள் தெரிவிக்கின்றனர். தெருநாய்களைப் பிடிக்க ஊராட்சி நிர்வாகம் நடவடிக்கை எடுக்க வேண்டும் எனவும் கோரிக்கை விடுத்துள்ளனர்.
Discussion about this post