நெல்லை அருகே மர்ம நபர்களால் கொலை செய்யப்பட்ட இளைஞர்

நெல்லை அருகே இளைஞரை மர்ம நபர்கள் வெட்டி கொலை செய்யப்பட்ட சம்பவம் பரபரப்பை ஏற்படுத்தியுள்ளது.

நெல்லை மாவட்டம், டவுன் அடுத்த கருப்பன் துறையில் மணிகண்டன் என்ற நபரை, மர்ம கும்பல் ஒன்று தலை துண்டித்து கொலை செய்துள்ளது. தகவலறிந்து சம்பவ இடத்திற்கு வந்த காவல்துறையினரை மறித்த பொதுமக்கள், உடலை எடுக்க விடாமல் கொலையாளியை உடனடியாக கைது செய்ய வேண்டும் என கோரி மறியலில் ஈடுபட்டனர். இதனையடுத்து காவல்துறையினர் இச்சம்பவம் குறித்து விரைந்து நடவடிக்கை எடுக்கப்படும் என உறுதியளித்தனர்.இதனை தொடர்ந்து, மணிகண்டனின் உடலை பிரேத பரிசோதனைக்காக பாளையங்கோட்டை அரசு மருத்துவமனைக்கு அனுப்பி வைக்கப்பட்டது . முன் விரோதம் காரணமாக இந்த கொலை நடந்ததா? என்று போலீசார் விசாரணை நடத்தி வருகின்றனர்.