சமூக வலைதளங்களில் சில நாட்களுக்கு முன்பு வைரலான Bottle Challenge-ஐ மீண்டும் விராட் கோலி செய்து தனது ட்விட்டர் பக்கத்தில் வீடியோ ஒன்றை பதிவிட்டுள்ளார்.
கஜகஸ்தானை சேர்ந்த தற்காப்பு கலை வீரர் ஒருவர் தன்னுடைய இன்ஸ்டாகிராம் பக்கத்தில், பாட்டில் சேலஞ்ச் தொடர்பான வீடியோவை வெளியிட்டிருந்தார். இந்த சாகசத்தை வேறு யாராவது செய்ய முடியுமா? என அவர் சவால் விடுக்க, பாட்டில் சேலஞ்ச், சமூக வலைதளங்களில் வேகமாக பரவியது. இந்தியாவை பொறுத்தவரை, பாலிவுட், கோலிவுட் நட்சத்திரங்கள் பாட்டில் சேலஞ்ச் வீடியோவை பதிவிட்டதை நாம் அனைவரும் அறிவோம்.
தற்போது கிரிக்கெட் வீரரான விராட் கோலி மீண்டும் Bottle Challenge-ஐ தொடங்கும் விதமாக ஒரு வீடியோ வெளியிட்டுள்ளார்.ஆனால் இவர் Bottle cap-ஐ காலால் தள்ளிவிடுவதற்கு பதிலாக கிரிக்கெட் பேட்டால் தள்ளி விடுகிறார்.அதன் பிறகு அந்த Bottle-லில் உள்ள தண்ணீரை குடித்து விட்டு, ரசிகர்களை பார்த்து கண்ணடிக்கிறார்.தற்போது இந்த வீடியோவானது சமூக வலைதளங்களில் வைரலாகி வருகிறது.
Discussion about this post