புதுக்கோட்டையில் குடிபோதையில் நண்பரை அரிவாளால் வெட்டிய இளைஞர்

புதுக்கோட்டையில் குடிபோதையில் ஒரு இளைஞரை, மற்றொரு இளைஞர் அரிவாளால் வெட்டிய சம்பவம் சமூக வலைதளங்களில் வைரலாக பரவி பரபரப்பை ஏற்படுத்தியது.

புதுக்கோட்டை காந்திநகர் பகுதியை சேர்ந்த ரவி மற்றும் சுந்தரம் ஆகிய இருவரும் நண்பர்கள் என கூறப்படுகிறது. இந்த நிலையில் ரவி, புதுக்கோட்டை வேலைவாய்ப்பு அலுவலகம் அருகே நின்று கொண்டிருந்த போது, அங்கு குடிபோதையில் வந்த சுந்தரத்திற்கும், ரவிக்கும் இடையே வாய்தகராறு ஏற்பட்டது. தகராறு முற்றிய நிலையில் சுந்தரம் தான் வைத்திருந்த அரிவாளால் ரவியை சரமாரியாக தாக்கியுள்ளார். ரவி படுகாயமடைந்த உடன் தாக்குவதை நிறுத்திய சுந்தரத்தை பொதுமக்கள் தாக்கியுள்ளனர். தகவல் அறிந்த காவல்துறையினர் இருவரையும் மீட்டு மருத்துவமனைக்கு அனுப்பி வைத்தனர். இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர். இன்னிலையில் ரவியை சுந்தரம் அரிவாளால் தாக்கும் காட்சி சமூக வலைதளங்களில் வைரலாக பரவி பரபரப்பை ஏற்படுத்தி வருகிறது.