பாகிஸ்தானில் ராணுவ விமானம் ஒன்று அடுக்குமாடி கட்டடம் மீது மோதி விபத்துக்குள்ளானதில், 19 பேர் உயிரிழந்தனர். 12 பேர் படுகாயம் அடைந்தனர்.
5 ராணுவ வீரர்கள் விமான பயிற்சி மேற்கொண்டனர். அப்போது, கட்டுப்பாட்டை இழந்த விமானம் இஸ்லாமபாத் அருகே உள்ள ராவல்பிண்டியில் அடுக்குமாடி கட்டடத்தின் மீது மோதி விபத்துக்குள்ளானது. கட்டுமான பணிகள் நடந்து வரும் அந்த பகுதியில் நிகழ்ந்த இந்த கோர விபத்தில், 5 வீரர்கள் உள்பட 19 பேர் உயிரிழந்தனர். படுமாயமடைந்த 12 பேருக்கு தீவிர சிகிச்சை அளிக்கப்பட்டு வருகிறது.
விமான விபத்தால் அந்த பகுதியில் தீ கொளுந்து விட்டு எரிந்தது. தகவல் அறிந்து விரைந்து வந்த தீயணைப்பு வீரர்கள் தீயை அணைத்து மீட்பு பணியில் ஈடுபட்டனர்.
Discussion about this post